നെറ്റ് ( തെറ്റ് ) - കുറ്റങ്ങള്‍ഫേസ് ബുക്കിലെ എന്റെ ചില ഇടതു പക്ഷ സുഹൃത്തുക്കള്‍ അവരുടെ വാളുകളില്‍ നടത്തുന്ന പോസ്ടിങ്ങുകള്‍ ഞാനും അവരും തമ്മില്‍ ഉള്ള രൂക്ഷ തര്‍ക്കങ്ങള്‍ക്കും വെല്ലു വിളികള്‍ക്കും തരം താണ സംഭാഷണങ്ങള്‍ക്കും ഇടയാക്കിയിട്ടുണ്ട്. പല തവണ. അതില്‍ പലപ്പോഴും എന്റെ ആ തരം സുഹൃത്തുകള്‍ നേട്ടം ഉണ്ടാക്കി എന്ന് അഭിമാനിക്കുന്നതും കാണാറുണ്ട്‌ ഞാന്‍. അതിനവരെ സഹായിച്ചത് അവരെ പോലെ തന്നെ ചിന്തിക്കുന്ന ഒരു പിടി ഫേസ് ബുക്ക്‌ സുഹൃത്തുക്കള്‍ ആയിരുന്നു. ഞാന്‍ അവരെ ഓര്‍ത്തു അഭിമാനിക്കുന്നു. ചര്‍ച്ച നടക്കുമ്പോള്‍ സ്വന്തം ആശയ ഗതികളോട് ചേര്‍ന്ന് നില്‍ക്കുന്ന സുഹൃത്തുക്കളുടെ തുണയ്ക്കു എത്തുക എന്നാ സൌഹൃതത്തിന്റെ വിശാലമായ ബന്ധം അതില്‍ ഞാന്‍ കാണുന്നു. പ്രത്യേകിച്ച് രാഷ്ട്രീയ വിഷയങ്ങളില്‍ മാനാഭിമാന മാനദന്ടങ്ങള്‍ ഒക്കെ മറന്നു തങ്ങളുടെ ചിന്തകളെയും വിശ്വാസങ്ങളെയും എതിര്‍ത്ത് കമന്റ് ചെയ്യുന്നവരെ പകയോടെ , വാശിയോടെ , പരുഷമായി, ക്രൂരമായി, ശക്തിയോടെ അടിച്ചമര്‍ത്തി കീഴടക്കാന്‍ അവര്‍ കാണിക്കുന്ന ആവേശം എത്ര ഉന്നതമാണ്! ആശയത്തിന് വേണ്ടി ജീവന്‍ കളയാന്‍ പോലും തയ്യാര്‍ ഉള്ള ഒരു സമൂഹത്തെ, ചാവേറുകളെ സൃഷ്ടിക്കാന്‍ ഇടതു പക്ഷങ്ങള്‍ക്ക്‌ കഴിഞ്ഞു എന്നതും അതരക്കാരായ കുറെ പേരെ ഇന്നും ആ പരുവത്തില്‍ നില നിര്‍ത്താന്‍ അവര്‍ക്ക് കഴിയുന്നു എന്നതും അതില്‍ യുവാക്കളും കിളവന്മാരും ഒക്കെ ഉണ്ട് എന്നതും അഭിമാനകരം ആണ്!!
എന്നാല്‍..
ഞാന്‍ ഞെട്ടുന്നത് അതിലൊന്നുമല്ല.
പല പോസ്ടിങ്ങുകളും അതിനുള്ള കമന്റുകളും കാണുമ്പോള്‍ മനുഷ്യതം എന്നാല്‍ എന്താണ് എന്ന് ഒരു സംശയം തോന്നും .. ഞാന്‍ മനസിലാക്കിയ മനുഷ്യതം ഞാനും എന്നെ പോലെ അവയവങ്ങളും സാമ്യങ്ങളും സോഭാവങ്ങളും ഉള്ള ജീവികള്‍ക്കുള്ള ഭാവതിനാണ് മനുഷ്യതം എന്നാണു. എനിക്ക് വിശപ്പ്‌ ദാഹം കാമം മോഹം ഒക്കെ ഉള്ളത് പോലെ അവര്‍ക്കും അതൊക്കെ ഉണ്ട് എന്ന് കരുതുന്നതില്‍ തെറ്റില്ല. കോപവും ക്രോധവും പകയും വാശിയും വൈരാഗ്യവും എനിക്കുണ്ട്. അതുപോലെ ഒക്കെ മറ്റുള്ളവര്‍ക്കും ഉണ്ടാവാം. എന്നാല്‍ വ്യക്തി എന്നതിനപ്പുറം മനുഷ്യന്‍ ഒരു സമൂഹ ജീവി എന്ന പദവി കൂടെ മറ്റു ജീവികള്‍ക്ക് മുന്‍പില്‍ നാമൊക്കെ നയിക്കുന്നില്ലേ? ഉണ്ട് എന്നതുകൊണ്ടാണല്ലോ നാമെല്ലാം ഫേസ് ബുക്കില്‍ ഇങ്ങനെ വന്നടിഞ്ഞു ചേര്‍ന്നിട്ടുള്ളത്!! നമ്മുടെ വാളുകളില്‍ നടത്തിയിട്ടുള്ള എത്ര പോസ്ടിങ്ങുകളില്‍ എത്ര എണ്ണം മനുഷ്യതത്തിനു നിരക്കുന്നവ ഉണ്ട് എന്ന് നാം ചിന്തിക്കാറുണ്ടോ? സമൂഹ ജീവിയായ മനുഷ്യന്റെ മനുഷ്യത്വത്തെ നാം അളന്നു മനസിലാക്കേണ്ടത് എങ്ങനെയാണ്? അത് നമ്മള്‍ പരസ്പരം അനുഷ്ടിക്കുന്ന സാമാന്യ മര്യാതകള്‍ കൊണ്ടാണ്. ഒരു മനുശ്യം മറ്റൊരു മനുഷ്യനോടു പ്രകടിപ്പിക്കുന്ന സാമാന്യ മര്യാതകളെ സ്വയം മനസിലാക്കുന്നതാണ് വ്യക്തിതം എന്ന സ്വയം വില നിശ്ചയിക്കുന്ന അവസ്ഥ. ആ സാമാന്യ മര്യാതകളെ മറ്റൊരു വ്യക്തിയുടെ അടുത്തോ ഒരു കൂട്ടം വ്യക്തികളുടെ അടുത്തോ നാം പ്രയോഗിക്കുമ്പോള്‍ അതാണ്‌ മറ്റുള്ളവര്‍ വിലയിരുത്തുന്ന നമ്മുടെ വ്യക്തിതം അഥവാ വ്യക്തി സംസ്കാരം..ആദ്യത്തേതിനെ പെരസനാലിടി എന്നും രണ്ടാമതതിനെ കള്‍ച്ചര്‍ എന്നും ഇന്ഗ്ലീഷില്‍ പറയുന്നു. നിരവധി വ്യക്തിതങ്ങള്‍ സ്വയം രൂപപ്പെട്ടു വളര്‍ന്നു സ്വതണ്ട്ര്യത്തിനു സ്വയം പരിധി വെച്ച് മനസ്സിനെ സ്വയം ബോധ്യപെടുത്തി വ്യക്തിതം നേടി അത് സമാനമായ പലരുടെ വ്യക്തിതങ്ങലുമായി കലര്‍ന്ന് വ്യക്തി സംസ്കാരം എന്ന പേര് നേടി, അത്തരം ഒരുപാട് വ്യക്തി സംസ്കാരങ്ങള്‍ ചേര്‍ന്ന് ഒരു സമൂഹമാകുംപോള്‍ ആ സമൂഹത്തിനു ഉണ്ടാകുന്ന സാംസ്കാരിക അവസ്ഥക്കാണ്‌ സാമൂഹിക സംസ്കാരം എന്ന് പറയുക. ഇന്ഗ്ലീഷില്‍ അത് സിവിലൈസേഷന്‍ ആണ്!
( തുടരും )
No comments:
Post a Comment