2013 ഫെബ്രുവരി 06
ഇന്ന് 2013 ഫെബ്രുവരി ആറ് ...അഞ്ചു വര്ഷം മുന്പ് ഇതേ ദിനത്തിലാണ് ഞാന്‍ എന്റെ സ്വഭാവ രൂപീകരണം വേറെ ഒരു രീതിയില്‍ തുടങ്ങിയത്. ഇന്നത്തെ ഈ സെന്റിമെന്റല്‍ ഭാവം ആണ് നല്ലത് എന്ന് സത്യത്തില്‍ ഞാന്‍ ഇപ്പോള്‍ വിശ്വസിക്കുന്നു. സ്നേഹം, അതിനുള്ള ക്ഷമ, വിശ്വാസം, ഈശ്വരന്‍, അങ്ങനെ പലതിനും ജീവിതത്തിലേക്ക് സ്ഥാനം കൊടുത്തു കൊണ്ട് വന്നതിന്റെ വാര്‍ഷികം ..മനസ്സില്‍ മറഞ്ഞു കിടക്കുന്ന പലതും അവിടെ തന്നെ അടുക്കി ഒതുക്കി വച്ച് സ്വഭാവത്തില്‍ വിപരീത ഭാവം ചമയ്ക്കാന്‍ ഉള്ള പരിശീലനം തുടങ്ങിയത് അഞ്ചു വര്ഷം മുന്പ് ഈ ദിനത്തില്‍ ആണ്. ഓര്‍മ്മകളുടെ പട്ടിക അലമാരയില്‍ അടുക്കി വെച്ച് മറവിയുടെ മാറാപ്പ് ജീവിതത്തിന്റെ ചുമലില്‍ വെക്കാന്‍ ശ്രമം തുടങ്ങിയ ദിവസം.. അതിര്‍ത്തിക്കു പുറത്തുണ്ടായിരുന്ന ദൈവവും വിശ്വാസവും അതിരുകല്‍ക്കുള്ളിലേക്ക് വന്നത് ഇന്നാണ്. പിന്നീട് തെറ്റ് പറ്റിയെന്നു തോന്നിയ ഒരു സംഭവം ഒഴിച്ചാല്‍ ബാക്കി അഞ്ചു വര്‍ഷങ്ങളില്‍ വേദന തോന്നിയ പലതും വേണ്ട എന്ന് വെച്ച് ചിരിച്ചു നിന്നിട്ടുണ്ട് ഞാന്‍..ഇതിനിടയില്‍ അബദ്ധം പറ്റിയത് ഒരു തവണ മാത്രം.മദ്യപിക്കില്ല എന്ന് തീരുമാനിക്കുമ്പോള്‍ ഒരു നിബന്ധന വെച്ചിരുന്നു..ഏറ്റവും ഇഷ്ട്ടമുള്ള ഒരാള്‍ക്കൊപ്പം മാത്രം ആകാം. പക്ഷെ അത് അഞ്ചു കൊല്ലത്തിനിടയില്‍ ഒരു തവണ മാത്രം സംഭവിച്ചു.അതൊരു അബദ്ധം അല്ല.. ദൈവീകമായ ഒരു നിമിത്തം ആയിരുന്നു എന്ന് കരുതാന്‍ ആണ് എനിക്കിഷ്ട്ടം. മറ്റൊന്ന് എന്റെ കുറെ അധികം രഹസ്യങ്ങള്‍ വിവരമുള്ള ഒരാളോട് സ്വതന്ദ്രമായി പങ്കു വെക്കാന്‍ പറ്റി എന്നതാണ്. അതില്‍ എനിക്ക് തെറ്റ് പട്ടി എന്നാണു ഞാന്‍ കരുതിയത്‌. ഒരു പരിധി വരെ തെറ്റ് പറ്റി ... എന്നാല്‍ പറ്റിയില്ല എന്ന് വിശ്വസിക്കാന്‍ ഞാന്‍ ഇഷ്ട്ടപ്പെടുകയാണ് ഞാന്‍. അതിനൊടുവില്‍ ഒരുപടുബന്ധങ്ങള്‍ കൊഴിഞ്ഞു പോയിരിക്കുന്നു. ഞാന്‍ ഒരു പഴങ്കഞ്ഞി പരുവം ആയിക്കാണും എന്ന് ആകും കൊഴിഞ്ഞു പോയവരില്‍ പലരും കരുതുന്നുണ്ടാകുക. ഹ ഹ ഹ പക്ഷെ എന്നെ സംബന്ധിചിടത്തോളം "വണ്ടി വലിക്കുന്ന കാളക്കു അണ്ടി ഒരു ഭാരമാകുമോ" എന്നത് പോലെ മാത്രം ആണ് കാര്യങ്ങള്‍... ഹ ഹ ഹ പിന്നെ പഴയ പോളിസി കാത്തു സൂക്ഷിക്കുന്നു ഞാന്‍ എട്ടു പട്ടി കൂടി നോക്കിയാല്‍ തോറ്റ പട്ടിയോട്‌ ജയിക്കുമോ? ഹ ഹ ഹ ഹ .... അതിനാല്‍ ഞാന്‍ എല്ലാവിധത്തിലും തോറ്റ മനുഷ്യന്‍ ആയത്കൊണ്ട്‌ കൊഴിഞ്ഞു പോക്കുകള്‍ വേദനകളുടെ കൂടെ ഒരു വേദന കൂടി മാത്രം ആയി തോന്നും എന്നേയുള്ളൂ..എന്നാലും ഐശ്വര്യം എന്ന് വിലയിരുത്തിയത് പലതും അവിഞ്ഞു പോകുന്നതില്‍ ഒരു വല്ലാത്ത വിഷമം ഉണ്ട്. കീഴടക്കലുകള്‍ അല്ല ജീവിതം എന്നും കീഴടങ്ങലുകള്‍ ആണ് ജീവിതമെന്നും പഠിച്ചു തുടങ്ങിയ ദിനം. കടുത്ത തീരുമാനഗല്‍ എടുത്തു വിജയം മാത്രം ലക്ഷ്യമാക്കിയുള്ള പ്രയാണം അല്ല ജീവിതമെന്നും സ്നേഹത്തോടെ ക്ഷമയോടെ വീണു കൊടുക്കലും പരാജയപ്പെട്ടു മാറി നില്‍ക്കലും ചവിട്ടിക്കയരാന്‍ കുനിഞ്ഞു മുതുകു കാട്ടി കൊടുക്കലും ഒക്കെയാണ് നല്ല ജീവിതത്തിനുള്ള മാര്‍ഗം എന്ന് തിരിച്ചറിഞ്ഞ ദിനം. പല തവണ പഴയ ശൈലികളിലേക്ക് മടങ്ങാന്‍ വഴികള്‍ തെളിഞ്ഞു വന്നു. അപ്പോഴൊക്കെ പിടിച്ചു നില്‍ക്കാന്‍ മനോബലം നേടാന്‍ ഈ ദിവസത്തിന്റെ തീരുമാനഗല്‍ എന്നെ പ്രാപ്തനാക്കി. അവശേഷിക്കുന്ന ഒരേ ഒരു ആഗ്രഹം ഒരു പിന്‍ വിളി ആണ്.
അത് വരേണ്ടത് ദൈവത്തില്‍ നിന്നാണ് ... നക്ഷത്രങ്ങള്‍ കണ്‍ തുറക്കുന്ന നീലാകാശത്ത് നിന്ന് അത് ഒരു മാറ്റൊലി നല്‍കിക്കൊണ്ട് തന്നെ ഉണ്ടാവും..അത് വരെ ഈ കാളയും ഈ വണ്ടിയും പിന്നെ....ഹ ഹ ഹ ഒക്കെയങ്ങനെ പോകും..ഹ ഹ. വലിയ വലിയ കാര്യങ്ങള്‍ വിളമ്പുന്നതിനേക്കാള്‍ ചെറിയ ചെറിയ കാര്യങ്ങള്‍ വിഴുങ്ങുന്നതാണ് നല്ലത് എന്ന് ആര് തിരിച്ചറിയുന്നു?
ഞാന്‍ തിരിച്ചറിയുന്നു..
പക്ഷെ ഞാന്‍ എവിടെയാണ്? എന്താണ്? ആരാണ്? ആ...
വല്ലതും മനസിലായോ? ഹ ആഹ ആഹ ആ... ഹെവിടുന്നു? ഹി ഹി ഹി
എന്റെ ചിന്ത
എന്റെ വചനം
എന്റെ പ്രവര്‍ത്തി
ജോയ് ജോസഫ്‌
kjoyjosephk@gmail.com
No comments:
Post a Comment