കാണാതെ കണ്ടു സ്നേഹിച്ച പെണ്‍കൊടി!!
5

അന്മുത്!!...അവള്‍ ഒറ്റക്കാണ്!!

മാലാഖ എന്നെയും കൊണ്ട് നടന്നു...
തെരുവുകള്‍ പലതു പിന്നിട്ടപ്പോള്‍ ഒരു സുന്ദരി ആയ സ്ത്രീ ഞങ്ങളെ മറികടന്നു മുന്നോട്ടു പോയി
മാലാഖ എന്നോട് ചോദിച്ചു, നിനക്ക് അവളെ അറിയാമോ?
ഞാന്‍ ചിന്തകളിലേക്ക് നടക്കാന്‍ ശ്രമിച്ചു..പക്ഷെ ഒന്നും മനസിലായില്ല
മാലാഖ പറഞ്ഞു, വിഷമിക്കേണ്ട, നിനക്കിവളെ അറിയില്ല..അല്ല നിനക്ക് ആരെയും അറിയില്ല... ആരെയും....
ഇവള്‍
ഇവളാണ്  അന്മുത് ..
ഇവള്‍ സുന്ദരി ആണ്..മിടുക്കി ആണ്..കഴിവുള്ളവളും.. മനസാക്ഷി ഉള്ളവളും.. ആണ്!!
എന്നാല്‍ ജീവിതത്തിന്റെ കൊടുമുടിയിലേക്ക് യാത്ര ചെയ്യുമ്പോള്‍ അവള്‍ ഒറ്റക്കാണ്!!
മയിലുകള്‍ പീലി നിവര്‍ത്തി നിന്നാടുമ്പോള്‍ അവള്‍ അത് നോക്കി ചിരിക്കും..
അവള്‍ മതി മറന്നു ഓരോ പീലിയിലെക്കും ഓരോ തൂവലിലേക്കും നോക്കും
ആസ്വതിക്കും ....സന്തോഷിക്കും..
അവള്‍ക്കു ചുറ്റും നില്‍ക്കുനവര്‍ ചിരിക്കുന്ന അവളുടെ മുഖം നോക്കി പറയും
എന്തൊരു ഭംഗി ആണ് നിന്നെ കാണാന്‍!!
നിന്റെ ചിരി വീഞ്ഞ് പോലെയും നിന്റെ ചുണ്ടുകള്‍ ലില്ലി പോലെയും നിന്റെ പല്ലുകള്‍ വാടാമുല്ലപ്പൂ പോലെയും ആണ്!!
നിന്റെ നുണ കുഴിയില്‍ വിരിയുന്നത് സ്നേഹം ആണ്!!
അവള്‍ അത് കേട്ട് ചിരിച്ചു ചിരിച്ചു.....സന്തോഷത്തോടെ പറയും...
ഞാനുണ്ട് കൂടെ...
അവരെല്ലാം അവളെ സ്നേഹിക്കുന്നു എന്നാണു അവളുടെ വിശ്വാസം..എന്നാല്‍
അവള്‍ അറിയുന്നില്ല അവരുടെ സ്വപ്നങ്ങള്‍ക്ക് ചിറകു വിരിഞ്ഞു പറന്നൊരു തുരുത്തില്‍ എത്തി കഴിയുമ്പോള്‍
തീരുന്നതാണ് അവരുടെ വിശ്വാസങ്ങള്‍..എന്ന്..
മയില്‍ പീലിയില്‍ മഴ വില്ല് വര്‍ണ്ണം വിരിക്കും എന്നും അത് വളച്ചെടുത്തു ഓടിച്ചു നുറുക്കി നിറങ്ങള്‍ ഓരോന്നും ജലത്തില്‍ ചാലിച്ച്
വര്‍ണ്ണ മഴ പെയ്യിക്കാം എന്നവള്‍ കണക്കു കൂട്ടുന്നു..
സ്നേഹത്തിന്റെ സ്വരം സംഗീതം ആക്കി ചിരിയെ പുകഴ്ത്തിയവരുടെ കാലം കഴിയുമ്പോള്‍!!
സ്നേഹിച്ചവരുടെ ഇടയില്‍, ബന്ധുക്കളുടെ ഇടയില്‍, സുഹൃത്തുക്കളുടെ ഇടയില്‍, പ്രനയങ്ങള്‍ക്കിടയില്‍, സ്വര്‍ഗം അടഞ്ഞു നരക വാതില്‍ തുറക്കുമ്പോള്‍ പോലും അവള്‍ തിരിച്ചറിയില്ല ....അവള്‍ ഒറ്റക്കാണ് എന്ന്!!
അതെ തിരക്കുകള്‍ക്കിടയില്‍, പ്രശംസകള്‍ക്കിടയില്‍ ,ധനത്തിനും മോഹത്തിനും ജ്ഞാനത്തിനും ഇടയി അവളും ഒറ്റക്കാണ്!!
അവളെ പോലെ ഞാനും നീയും ഒറ്റക്കാണ്!!
എല്ലാവരും ഒറ്റക്കാണ്!!
പിന്നെ ഈ കാണുന്നതൊക്കെ?
അതൊക്കെ തിളക്കങ്ങള്‍ ആണ്..
അത് പോയ്‌ പോകും..
അതുപോലെ
തിളക്കങ്ങളും!! അതിനാല്‍ മകനെ,,,
തിളക്കങ്ങള്‍ അല്ല നിന്റെ മനസ്സാണ് നീ വലുതാക്കേണ്ടത്!!
ഒറ്റക്കായ ഗോപുരങ്ങള്‍ പൊളിച്ചു നീക്കി ശുദ്ധമായ ഒന്ന് നീ പണിത് ഉയര്‍ത്തു...നല്ല ഹൃയങ്ങള്‍ ഒറ്റക്കാവില്ല ..
കാരണം അത് ആര്‍ക്കെങ്കിലും ഒരാള്‍ക്ക്‌ തിരിച്ചറിയാന്‍ കഴിയും!!കാരണം
നന്മ ഒറ്റക്കല്ല....
അന്മുത്!!...അവള്‍ ഒറ്റക്കാണ്!!


ജോയ് ജോസഫ്‌
joy joseph
kjoyjosephk@gmail.com
www.mylifejoy.blogspot.com
www.jahsjoy.blogspot.com