എല്ലാ മനുഷ്യർക്കും സംഭവിക്കുന്ന "ആറു തെറ്റുകൾ "

എല്ലാ മനുഷ്യർക്കും സംഭവിക്കുന്ന
"ആറു തെറ്റുകൾ "

റോമക്കാരനായ ദാർശനികനും വാഗ്മിയും രാജ്യതന്ത്രജ്ഞനും ആയിരുന്ന സിസറോ ( BC 106 - 43 ) എല്ലാ മനുഷ്യർക്കും സംഭവിക്കുന്ന "ആറു തെറ്റുകൾ " ഏതൊക്കെയെന്നു വിവക്ഷിക്കുക ഉണ്ടായി.അന്നും ഇന്നും എന്നും പ്രസക്തമായ ആ തെറ്റുകൾ അറിയാതെ പിന്തുടരുകയാണ് നമ്മൾ...
അവ ....
1 . സ്വന്തം നേട്ടങ്ങൾക്കായി മറ്റുള്ളവരെ എങ്ങനെ വേണമെങ്കിലും ഉപയോഗിക്കാമെന്ന മിഥ്യാ ബോധം.
2 . സ്വന്തം വിശ്വാസവും ജീവിത രീതിയും ശരിയാണെന്നും മറ്റുള്ളവർ അത് സ്വീകരിക്കണം എന്ന നിർബന്ധം.
3 . മാറ്റാനോ തിരുത്താനോ കഴിയാത്ത കാര്യങ്ങളെ പറ്റി മന പ്രയാസം അനുഭവിക്കുക.
4 . നിസാര കാര്യങ്ങളിലെ ഇഷ്ടാനിഷ്ടങ്ങൾ പോലും മാറ്റി വെക്കാനുള്ള വിമുഖത.
5 . തനിക്കു നേടാൻ കഴിയാത്തത് മറ്റാർക്കും കഴിയില്ലെന്നും കഴിയരുതെന്നുമുള്ള വാശി.
6 . മനശുദ്ധി, മനോ വികാസം എന്നീ കാര്യങ്ങളോട് അവഗണയും വായനയും പഠനവും പരിശീലിക്കാനുള്ള വിമുഖതയും .

എന്റെ കാര്യവും നിങ്ങളുടെ കാര്യവും ഇങ്ങനെ ആയ സ്ഥിതിക്ക് നമ്മുടെ കാര്യം എങ്ങനാകും?

എന്റെ ചിന്ത
എന്റെ വചനം
എന്റെ പ്രവർത്തി

ജോയ് ജോസഫ്‌
NB: സിസറോയുടെ ഒരു ഫോട്ടോ എടുക്കാൻ ഞാൻ പല തവണ ശ്രമിച്ചെങ്കിലും അദ്ദേഹത്തിന്റെ സമയ കുറവ് കാരണം അതെടുക്കാൻ സാധിച്ചില്ല. അതിനാൽ അദേഹത്തെ പോലെ തന്നെ വിവരമുള്ള ആളെന്ന നിലയിലും ഒന്നിച്ചു ചിന്തിക്കുന്ന ആൾ എന്ന നിലയിലും എന്റെ ഫോട്ടോ ഈ പൊസ്റ്റിങ്ങിനു ഒപ്പം ചേർത്ത് കൊള്ളാൻ അദ്ദേഹം അനുമതി തന്നിട്ടുള്ളത് ആകുന്നു.... എന്റെ മുഖം ( ഭാഷാ ദേശ ഭേതം പരിഗണിച്ചു മുഖത്തിന്‌ പകരം മോന്ത, മോറ്, മുഞ്ഞി തുടങ്ങിയ പദങ്ങൾ ഉപയോഗിക്കാനും അനുമതി കിട്ടീട്ടുണ്ട് )കാണാൻ ഇഷ്ട്ടമില്ലാതവർക്ക് കണ്ണടച്ച് പിടിച്ചു ഇത് വായിക്കാൻ അനുവാദം ഉണ്ട്..